Ренци ги повлече министрите, владејачката италијанска коалиција се распадна
Минуваме низ голема политичка криза, се соочуваме со опасностите поврзани со пандемија. Наша одговорност е да ги решиме овие проблеми, а не да ги криеме - рече Ренци.
Поранешниот италијански премиер Матео Ренци изјави дека министрите на неговата партија „Италија Вива“ ќе се повлечат од кабинетот, со што коалициската влада ќе остане без мнозинство во парламентот.
На прес-конференцијата што започна околу 18:20 часот, Матео Ренци ги објави оставките на министрите Тереза Беланова, Елена Бонети и секретарот Иван Скалфарот.
Можеби ќе ве интересира
– Минуваме низ голема политичка криза, се соочуваме со опасностите поврзани со пандемија. Наша одговорност е да ги решиме овие проблеми, а не да ги криеме – рече Ренци.
Ренци претходно се закани дека неговата партија ќе излезе од Владата, незадоволен од плановите на премиерот Џузепе Конте за тоа како се трошат милијарди евра од Европската унија за помош на економијата.