Рекордни 4.080 новозаболени и 48 починати во Хрватска

Во Хрватска во последните 24 часа се пријавени 48 смртни случаи и 4.080 новозаразени со коронавирус, соопшти Државниот штаб за граѓанска безбедност.

Од 25 февруари во Хрватска до денеска се регистрирани вкупно 119.706 лица заразени со коронавирусот, од кои 1.600 починаа.

Вкупно излекувани се 95.698 лица од кои 3.349 во последните 24 часа.

Во самоизолација моментално има 51.514 лица. Тестирани се вкупно 724.820 лица, од кои 11.091 во последните 24 часа.