РЕЏЕПИ ПОРАЧА ДЕКА Е ЖИВ И ЗДРАВ Билал Касами и другите да не се грижат за мене

Кастриот Реџепи се обрати преку видео порака, порачувајќи дека е жив и здрав и дека никој не треба да се грижи за неговата безбедност.

– Стабилноста и безбедноста на државата, како и мирот и благосостојбата на нашиот народ мора да ни бидат најважни од се. Билал Касами и другите, да не се грижат за мене. Јас сум на сигурно, на вистинската страна, на страната на албанскиот народ и на страната на сите граѓани во Северна Македонија кои сакаат мир, стабилност и демократија. Јас сум со ЕУ и НАТО, а не со анти-албанците. Ви го зборувам ова со чиста совест, а штом ги одминам ризиците кои ми доаѓаат како закана од некои мои сопартијци, ќе одговарам и на сите прашања на медиумите. До тогаш, да живеат слободата и демократијата. Да живеат Албанците, Македонците и сите други граѓани на Северна Македонија – порача Реџепи.

Тој не открива од каде ја испраќа пораката, односно дали се наоѓа надвор од државава.