РАСТЕ БРОЈОТ НА КОВИД ЖУРКИ НА КОИ БИЛ ЏОНСОН Нови откритија за забавите на Даунинг стрит за време на строгите мерки
Еден од настаните што Греј беше принудена да ги испушти беше собирот на 13 ноември во станот на Џонсон во Даунинг Стрит над владините канцеларии, а едно од најштетните обвинувања се однесува на забавата под мотото „донеси свој пијалак“ што се одржа на 20 мај 2020 година.
Британскиот премиер Борис Џонсон присуствуваше на проштална забава за помошник во неговата канцеларија, каде се служеше алкохол за време на строгите ковид мерки по Божиќ, која сега е под полициска истрага, пишува Гардијан.
Истрагата која ја спроведе државниот службеник Сју Греј за забавите организирани за време на локдаунот, оваа недела откри неколку претходно ненајавени настани, вклучително и собирот на 14 јануари 2021 година „по повод заминувањето на двајца приватни секретари од неговиот кабинет“, но извештајот не откри повеќе детали.
Изворите рекоа дека настанот се одржал во Даунинг стрит, делумно по повод заминувањето на високиот советник за политика, кој сега извршува друга должност во кабинетот, и дека еден дел од присутниот персонал наводно пиел италијанско пенливо вино и Џонсон наводно одржал говор во знак на благодарност на функционерите за нивната работа и останал околу пет минути, пишува британскиот весник.
Третата национална блокада на Англија стапи на сила пред нешто повеќе од една недела, на 6 јануари, со наредба „остани дома“ со која им се забранува на луѓето да ги напуштаат своите домови поради неколку причини, вклучително и кога не беше можно да се работи од дома.
Извори, исто така, рекоа дека друг собир што Греј го идентификувал бил на 18 јуни 2020 година и се случи во кабинетот, а кој бил во чест на Хана Јанг, која беше водечка функционерка за внатрешна политика на Џонсон и минатата година се пресели на позицијата заменик генерален конзул во Генералниот конзулат на Велика Британија во Њујорк, пишува Гардијан.
Од Греј беше побарано да го истражи одржувањето на повеќе од десетина собири, вклучително и забавата „донеси си пијалак“ во градината на Даунинг стрит, која се одржа во време кога милиони Британци со месеци беа одвоени од пријателите и роднините поради ограничувањата.
Откако минатата недела беше отворена полициската истрага, Греј во својот извештај изјави дека сега може да зборува само за четири настани, а не за 16-те со кои првично се занимавала, за да не влијае на истрагата.
Еден од настаните што таа беше принудена да ги испушти беше собирот на 13 ноември во станот на Џонсон во Даунинг Стрит над владините канцеларии, а едно од најштетните обвинувања се однесува на забавата под мотото „донеси свој пијалак“ што се одржа на 20 мај 2020 година.
Британскиот премиер се извини откако објави извештај за забавите во затворен простор што ги организирал во неговата резиденција на Даунинг стрит, а кои биле оценети како „сериозни пропусти во срцето на владата“.
– Сакам да се извинам. Ја разбирам грешката и ќе ја исправам – изјави Џонсон во британскиот парламент.