Раскош на сите страни! Вака изгледа хотелот во кој Ѓоковиќ ќе го мине карантинот (ФОТО)
Да потсетиме, условите за карантин во државата Јужна Австралија се нешто поблаги, така што Новак ќе има можност да поминува пет часа на ден надвор од хотелот.
Најдобриот тенисер на светот Новак Ѓоковиќ пристигна во Австралија, а поради пандемијата на коронавирусот и задолжителниот карантин од 14 дена, тој замина во Аделаида наместо во Мелбурн, каде се сместил во хотел во кој што двонеделен престој по лице чини околу 1.800 евра, а тенисерите ќе имаат на располагање теретана што ќе можат да ја користат.
Внатрешноста на хотелот изгледа пространа, светла, пријатна и модерна, додека фасадата е како бајка, обрасната со зеленило, што особено може да го воодушеви Новак, кој е голем љубител на природата и зеленилото.
Да потсетиме, условите за карантин во државата Јужна Австралија се нешто поблаги, така што Новак ќе има можност да поминува пет часа на ден надвор од хотелот, додека во Викторија, каде што е Мелбурн и каде се наоѓаат повеќето тенисери, карантинот е многу поригорозен.
Ждрепката за првиот Грен слем во сезоната, Австралија опен, ќе се одржи на 4 февруари, објавија организаторите на турнирот во Мелбурн. Новак Ѓоковиќ и Софија Кенин ќе ги бранат трофеите освоени минатата сезона.
Австралија опен се одржува оваа година од 8 до 21 февруари.