Рама: Следните два дена по 13:00 часот на улица само војската, полицијата,медиумите,специјалните служби

Откако армијата денеска излезе на терен внимателно да ја следи ситуацијата во врска со спроведувањето на мерките против ширењето на коронавирусот, албанскиот премиер Еди Рама доцна попладнево најави нови мерки.

Според Рама од утре до понеделник режимот на движење се менува, затоа што, како што наведува, немаме ниту час, а не денови за губење во едукација на непослушните.

– Така од утре движење ќе биде дозволено од 5:00 до 13:00 часот. Ова ќе важи и за трговските објекти за продажба на храна, за лекови или банкарски услуги. Движење ќе им биде дозволено единствено на припаднците на армијата, на полицијата, специјалните државни служби и медиумските компании – најави Рама.

Тој побара разбирање од граѓаните поради борбата со непрјателот кој не си заминува.

– Ова е војна и непријателот не си заминува, туку се приближува секоја минута! Нема да дозволме заради некои неодговорни да страдаат други – напиша Рама.

Во меѓувреме познати албански епидемиолози предлагаат да се дозволи движење на граѓаните само неколку часа на секои три дена, доколку не се сака и Албанија да ја снајде судбината на Италија.