РАДЕВ БАРА РЕАЛНИ РЕЗУЛТАТИ, НЕ ДАВА РОКОВИ ЗА ВЕТОТО Албанија да не ја чека С Македонија

Бугарскиот претседател Румен Радев попладнево, по завршувањето на седницата на Советот за национална безбедност истакнал дека Албанија не треба да ја чека Македонија и треба да и се дозволи да ги почне преговорите со ЕУ. Тема на состанокот била „Улогата на Република Бугарија во проширувањето на ЕУ и во процесот на стабилизација и асоцијација: Република Северна Македонија и Албанија“.

На петчасовниот состанок, на кој присуствувале претставници на сите парламентарни партии во Бугарија, како и новиот премиер Кирил Петков, одлуката е дека Бугарија ќе продолжи да ги блокира македонските евроинтеграции, а дава зелено светло за почеток на пристапните преговори на ЕУ со Албанија.

Давањето на согласност за почнување на преговори за Северна Македонија со ЕУ, посочил Радев, не треба да се врзува со рокови, туку со реални остварувања, вклучувајќи ги правата на македонските Бугари.

Четири години од потпишувањето на Договорот од 2017 година, Северна Македонија не направила доволно за негово спроведување, но, исто така, не дава и гаранции за негово исполнување, е заклучокот што бил констатиран по неколкучасовниот советодавен Совет за национална безбедност, а го објави бугарскиот претседател во Софија.