РАБОТНИЦИТЕ 10 ДЕНА СЕ ЗАРОБЕНИ ПОД УРНАТИОТ ТУНЕЛ ВО ИНДИЈА Преживуваат со храна и кислород што им се доставува низ цевка
Дел од тунелот во изградба се урна на 18 ноември, под урнатините на тунелот остнаа заробени 40 работници кои во изминатите 9 дена преживуваат со храна и кислород што им се доставува низ тесна цевка, додека трае акцијата за спасување дополнително отежната поради планинскиот терен и урнатините.
Градежните работници кои веќе 10 дена се заробени во урнатиот тунел на националниот автопат Брахмахал Јамунотри во Утаркаши во северна Индија, конечно добија топли оброци, испорачани преку челична цевка, додека спасувачите работат на алтернативен план за спасување, да копаат кон нив вертикално, пренесува АП.
– Оброците, направени од ориз и леќа, биле испратени преку цевка од 15,24 см, која била протуркана низ урнатините доцна во понеделникот – соопшти портпаролката на индиската влада Дипа Гаур.
Последните девет дена работниците преживуваат со сува храна која им се доставува низ тесна цевка. Кислородот им се доставува преку специјална цевка.
Официјалните лица објавија видео во вторникот, откако камерата беше протурена низ цевката, на која се гледаат работниците како се движат во блокираниот тунел додека комуницираат со спасувачите на теренот преку воки-токи.
Нивните семејства се сè позагрижени и фрустрирани додека се одолговлекува спасувачката операција, пишува АП.
Дел од тунелот во изградба се урна на 18 ноември. Под урнатините на тунелот остнаа заробени 40 работници. Планински регион во реонот во Утараханд, што се покажа како предизвик за машината за дупчење која се расипа додека спасувачите се обидуваа да копаат хоризонтално кон затрупаните работници.
Вибрациите со висок интензитет на машината, исто така, предизвикаа паѓање на повеќе остатоци, што ги натера официјалните лица накратко да ги прекинат спасувачките напори.
Полковникот Дипак Патил, раководител на спасувачката операција, посочи дека опремата за можна нова опција за спасување на затрупаните работници е на пат откако спасувачите веќе пробиле 24 метри низ урнатините, но треба да дупчат на растојание од 60 метри за да вметнат цевки со широк дијаметар низ која ќе може да ги извлечат луѓето од тунелот.