ПУТИН НЕ НÈ НАПАЃА КОГА АМЕРИКАНЦИТЕ НИ СЕ НА ГОСТИ Зеленски е уверен дека посетата на Келог ги сменила нештата

Рускиот лидер Владимир Путин се плаши од САД и не ја напаѓа Украина во периодите кога американски претставници се во посета на земјата, тврди украинскиот претседател Володимир Зеленски.

– Генералот Келог пристигна и две ноќи по ред немаше масовни бомбардирања. Ова е многу интересен пример: немаше тешко гранатирање ниту синоќа ниту претходната ноќ – рече Зеленски и предложи на Келог да му се даде украински пасош.

Според Зеленски Путин намерно бомбардира цивили, но, дека кога Американците се во Украина, тој не го прави тоа.

– Ова значи едно: Путин се плаши од Америка. Го кажувам ова долго време и му го кажав и на претседателот (Доналд Трамп). Во секој случај, Путин се плаши од Америка. Сигурен сум во тоа – рече украинскиот лидер.

Според Зеленски, американскиот претседател Доналд Трамп му дава шанса на Путин да ја заврши војната.

– Навистина сакам да верувам дека Трамп му ја даде оваа можност на Путин. И навистина сакам да верувам дека ако Путин не извлече свои заклучоци, претседателот Трамп навистина ќе воведе моќни санкции што не можат да се заобиколат, особено во енергетскиот и банкарскиот сектор. Тој (Трамп) исто така ќе ни обезбеди силен пакет мерки за одвраќање и моќни системи за воздушна одбрана што ќе можат да ја заштитат Украина и, на крајот, европските земји.

Зеленски рече дека претходниот американски претседател,  демократот Џо Бајден, не успеал да ја заврши војната, но верува дека Трамп ќе може да го стори тоа.