ПУТИН НЕ Е ШАХИСТ, ТОЈ Е ЏОКЕРОТ И БЛЕФИРА Каспаров го демаскира „страшниот“ говор на рускиот претседател

„Како што сум кажал многу пати, Путин не е шахист. Тој е покераш, блефер кој знае само да ја искористи неодлучноста на противниците. Одговорот отсекогаш бил ист – да не се игра неговата игра. Треба да планирате, да поставувате јасни стратешки цели, да не верувате во блефови или во одвлекување на вниманието“.

Вака го коментира познатиот поранешен светски шахист Гари Каспаров вчерашното обраќање на Владимир Путин до нацијата во кое имаше и „нуклеарно предупредување“ до Западот. Според Каспаров, Путин сега е изгубен, очаен, се лаже и себеси, „но се надева дека неговите непријатели тоа уште не го сфатиле“.

Putin’s whining, mendacious lecture today sounded even more pathetic contrasted with EU leaders in Munich, Biden and Zelensky in Ukraine, and Biden and Duda in Warsaw. A dictator’s fear and hatred versus the democratic world’s optimism and unity.

— Garry Kasparov (@Kasparov63) February 21, 2023

„Импотентните лаги и импотентната блескавост на Путин открија колку малку му е Русија потребна на светот, но и колку малку е потребно за да му се плашиме(на Путин). Напуштајќи ги преговорите што тој веќе ги игнорира, потрошените нуклеарни закани што ќе го завршат неговиот мизерен живот, лелеците за војната што ја започнал и која би можел да ја заврши во една секунда“, вели поранешниот шампион во шах.

Каспаров е познат критичар на Путин. Тој вели дека овој момент во војната е пресвртна точка.

„Оваа недела во Минхен и Брисел разговарав со стотици официјални лица на сите нивоа, од сите страни. Преовладува мислењето дека ова е пресвртната точка. Украина мора да победи и Путин мора да биде запрен трајно заради европската и глобалната стабилност и безбедност“, смета Каспаров.