Путин му пратил писмо на Стево Пендаровски
Искрено Ви посакувам добро здравје и успеси, а на сите Ваши сограѓани мир и добробит. Со почит, В. Путин, пишува во честитката од Путин до Пендаровски.
Претседателот Стево Пендаровски денеска го прими амбасадорот на Руската Федерација, Сергеј Баздникин, со кого разговарал за севкупните билатерални односи меѓу двете држави во сферите од заемен интерес.
Пендаровски и Баздникин размениле информации за состојбите во двете земји во контекст на пандемијата од ковид-19, како и за справувањето со последиците на здравстен, економски и на социјален план.
Амбасадорот Баздникин, во пресрет на Денот на независноста, 8 Септември, на претседателот Пендаровски му предаде честитка од претседателот на Руската Федерација, Владимир Путин.
„Почитуван господине Претседател, примете честитки по повод националниот празник на вашата земја – Денот на независноста. Уверен сум дека унапредување на конструктивна билатерална соработка меѓу Руската Федерација и Република Северна Македонија би им одговарало на интересите на нашите народи, би придонесувало за зацврстување на безбедноста и стабилноста на Балканот. Искрено Ви посакувам добро здравје и успеси, а на сите Ваши сограѓани мир и добробит. Со почит, В. Путин“, пишува во честитката од Путин до Пендаровски.