ПУТИН ДОПРВА ЌЕ ДОЗНАЕ КОЛКУ МУ ДОЛЖИ НА ИРАН Ќе му испрати ли Москва С-400 на Техеран?

Иран и Русија станаа блиски сојузници откако започна војната во Украина, но во Техеран посоти чувство дека Кремљ сè уште му должи на Иран, пишува „Дејли Телеграф“. Земјите го градеа своето партнерство во граѓанската војна во Сирија пред речиси 10 години.

Има извештаи дека Русија ги засилува своите испораки на воена опрема, додека Иран испрати илјадници беспилотни летала и ракети со краток дострел во Москва. За возврат, Русија испраќа нафта во Иран и му го дава многу потребното техничко знаење.

На прв поглед се чини дека Русија се движи кон дополнителна поддршка на Иран бидејќи има непотврдени извештаи дека испратила борбени авиони и системи за ракетна одбрана во Иран. Но, во Техеран не мислат така:

– Нашиот однос со Путин наликува на пријателство со некој кој никогаш не го плаќа својот дел кога излегувате надвор – рече професор на универзитет во близина на Техеран кој сакаше да остане анонимен.

Но, професорот вели дека западните санкции толку силно ја осакатиле иранската економија, па таа можела да дејствува само како слаб партнер на Русија.

– Пезешкијан треба само да го задржи Путин задоволен, можеби со ветување дека ќе испрати повеќе беспилотни летала во Русија за употреба во војната во Украина – рече тој.

Техеранскиот весник „Етелат“ го обвини Путин за „напуштањето“ на поддршката за Иран во Газа и за „одржувањето на дистанца од кризата“.

Весникот „Хамшахри“, пак, наведува дека е време Кремљ да го исполни ветувањето за испраќање на софистицирани ракетни одбранбени системи С-400 во Иран.

„Пристапот до системот С-400 може да го позиционира Иран подобро во дипломатските и воените преговори со други земји“, пишува весникот.

Американскиот Институт за проучување на војната, исто така, рече дека очекува Путин и Пезешкијан наскоро ќе разговараат за тоа како да одговорат на „потенцијалната израелска одмазда“ за ракетниот напад на Техеран минатата недела, но други аналитичари велат дека Кремљ претпочита да преземе индиректна улога во конфликтот.

– Мислам дека тоа би било премногу во смисла на антагонизирање на Америка и Израел. Русија, исто така, сè уште очајно се обидува да го оддалечи Израел од финансирање на Украина – рече Стивен Хол, доцент по руска политика на Универзитетот во Бат.

Јуриј Ушаков, врвен соработник на Кремљ, рече дека на средбата Путин и иранскиот претседател Масуд Пезешкијан ќе потпишат и билатерален договор, за кој се очекува интензивирање на соработката, што е во фокусот на интензивната дипломатија.

Конференцијата во Туркменистан на која следната недела се прославува 300-тиот роденден на локален поет не изгледа како пригодно место за првата средба меѓу Владимир Путин и Пезешкијан.

Но, ова се итни времиња за најопасните непријатели на Западот.

Аналитичарите велат дека состанокот во Ашгабат во петок, кој ќе се фокусира на „нагло влошената ситуација на Блискиот Исток“, се чини дека бил договорен во последен момент.