ПУКАЊЕ ВО МЕТРО ВО ЊУЈОРК Неколкумина се застрелани, пронајдени се и експлозивни направи (ВИДЕО)
Полицијата на Њујорк на Твитер напиша дека „во моментов нема активни експлозивни направи“ на местото на инцидентот. Во тек е истрага, а нема ниту детали за бројот на повредени или евентуални жртви.
Повеќе луѓе се застрелани, а пронајдени се и неактивирани експлозивни направи на метро станица во Њујорк, јавија локалните медиуми повикувајќи се на извори од противпожарната служба.
Инцидентот се случил утринава на метро станицата на 36-та улица во населбата Сансет Парк во Бруклин. Сообраќајот е во прекин.
The shooter was on the platform of 24th Street, when the doors of the metro train opened, he first fired a smoke bomb and then started shooting. The door then closed and the train reached 36th Street where the wounded came out.#NewYork #Shooting #Brooklyn #USA pic.twitter.com/XMWyIxHi5F
— Madhaw Tiwari (@MadhawTiwari) April 12, 2022
#NYPD bomb squad investigating possible explosion in #Brooklyn subway station 🙏 https://t.co/V0XmefdFBl
— Z100 New York (@Z100NewYork) April 12, 2022
Полицијата на Њујорк на Твитер напиша дека „во моментов нема активни експлозивни направи“ на местото на инцидентот.
Агенцијата ДПА, повикувајќи се на полициски извори, пренесе дека вооружен маж со гас-маска и портокалов елек каков што користат градежни работници фрлил димна бомба во возот во њујоршкиот кварт Бруклин, а потоа отворил оган врз патниците, ранувајќи пет лица. Според извори од њујоршката полиција, веднаш откако се затвориле вратите на возот, човекот со елекот фрлил неколку димни бомби во вагон и почнал да пука. Кога возот стигнал до станицата на 36-та улица, вратите се отвориле по што ранетите патници излегле од возот, некои со помош на други луѓе, и паднале на перонот.
Според полицијата, една од жртвите е во несвест и во критична состојба.
Вооружениот напаѓач бил опишан дека носел гас-маска и портокалов градежен елек, веројатно на компанијата MTA. Тој носел и градежен алат, јави ДПА.
Според Си-Ен-Ен, сите училишта во околина се под „засолниште“, што значи дека никој не смее да ја напушти зградата, а само ученици смеат да влезат, објасни портпаролот на Министерството за образование. Тој не кажа за колку училишта станува збор.
Портпаролката на Белата куќа, Џен Псаки на твитер напиша дека американскиот претседател Џо Бајден е информиран за инцидентот.
Од кабинетот на градоначалникот на Њујорк, Ерик Адамс, испратија апел до жителите на градот заради своја безбедност да не се доближуваат до местото каде е регистриран инцидентот. Медиумите јавуваат дека крај станицата на подземната железница сѐуште им се помага на дел од повредените во престрелката.