Првите симптоми на болеста му се појавиле на 14 години, сега, на 26 – не може да се движи без помош
Ќе бевме среќни Ѓорѓи да почнеше да го зема лекот пред две години или пред една, кога сѐ уште можеше да се движи самостојно. Болеста сѐ повеќе прогресира, а лекот за спинална мускулна атрофија (СМА) кој пред повеќе од една година почнаа да го земаат најмалите пациенти, сѐ уште чекаме да стане достапен и за повозрасните, вели нашата соговорничка Снежана Тодоровска
До својата 14-годишна возраст Ѓорѓи бил како и сите деца, одел на училиште, си играл, се шетал и се дружел. Првите симптоми на болеста од која боледува (спинална мускулна атрофија – СМА) се појавиле кога наполнил 14 години.
„Забележавме дека Ѓорѓи потешко се искачува на угорница. Се посомневавме дека има некаков проблем кој стои зад ова, па со тој сомнеж отидовме на доктор, не претпоставувајќи што би можело да биде. Веднаш му дадоа физикална терапија во Козле и почнаа со испитувања.
Од септември па сѐ до март, после многу испитувања, магнетна резонанца, биопсија и многу други, на Ѓорѓи му беше дијагностицирана СМА. Секако, беше направено и тестирање во МАНУ. Тоа беше тежок удар за нас, иако сѐ уште не бевме ни свесни за каква болест станува збор, што е тоа СМА“, раскажува Снежана Тодоровска, мајка на сега 26-годишен син кој од ден на ден станува сѐ повеќе зависен од нејзината помош, во исчекување на лекот за оваа болест.
Целиот текст прочитајте го на порталот „Мајка и дете“.