ПРВИОТ МАЖ НА ЏЕЈ ЛО НАВРЕДЕН ОД ИЗЈАВАТА ДЕКА НИКОЈ НЕ ЈА САКАЛ ВИСТИНСКИ „Јас те сакав, ама ти не можеше да ги држиш нозете споени“
Првиот сопруг на Џенифер Лопез, Оџани Ноа, ја обвини пејачката дека го изневерувала откако таа неодамна изјави дека ниту еден од нејзините бивши никогаш вистински не ја сакал.
Поранешниот сопруг на Џенифер Лопез, Оџани Ноа, ја обвини пејачката дека го изневерувала откако таа неодамна изјави дека ниту еден од нејзините бивши никогаш вистински не ја сакал.
Лопез и Ноа беа во брак кратко, од 1997 до 1998 година, но тој очигледно е длабоко навреден од нејзините коментари за нивниот љубовен живот и објави остра изјава на Инстаграм овој викенд.
Во својата објава, Ноа ѝ кажа на Лопез дека проблемот е во неа и дека „конечно треба да ја каже вистината“, објавува Дејли Меил.
– Престани да нè омаловажуваш. Престани да ме прикажуваш како негативец со оваа твоја улога на жртва. Проблемот не е во нас. Не е во мене. Проблемот е во тебе. Ти си таа што не можеше да ги држи нозете споени. Беше сакана повеќе пати. Четири пати си била во брак. Имаше безброј врски помеѓу. Имаше и добри врски… Јас, на пример. Бев вљубен во тебе… Се преселив во друга држава за да те поддржам, да те заштитам и да се грижам за тебе. Јас сум прекрасна, искрена и лојална личност. Никогаш не те лажев, никогаш не се однесував лошо, никогаш не те изневерив. Бев добар кон тебе. Всушност, бев премногу добар човек за тебе. Ти избра да лажеш, да ме изневериш, иако останав покрај тебе… Ме молеше да го задржам бракот за да избегнеш лош публицитет.
Но, ти го избра брзиот пат до кариера и слава, не грижејќи се за мене. Сакаше да продолжиш да изневеруваш и да лажеш. Кажи ја вистината барем еднаш… Треба да се засрамиш – вели тој.
View this post on Instagram
Инаку, Лопез во својата изјава рече: „Научив дека не е работата во тоа што не сум достојна за љубов – туку дека тие не се способни… Тие едноставно ја немаат во себе! Ми дадоа сè што имаа – прстени, куќи, бракови, сè материјално. Но, љубовта… тоа е нешто друго.“
Пејачката, исто така, истакна дека нејзиниот развод од актерот Бен Афлек по две години брак бил најдоброто нешто што можело да ѝ се случи. „Тој развод ме натера длабоко да се преиспитам. Имав духовен ментор, терапевт, брачен терапевт, личен тренер, дури и тренер за зависности. Имав секаква помош што можев да ја добијам. Си реков: „Ќе го решам ова, дури и ако ме убие“, објасни таа.
Оџани, исто така, зборуваше за нивниот бурен брак и минатата година.
– Бев првиот, пионер. Бев таму на почетокот на нејзината кариера, ја поддржував, се справував со нејзините анксиозности и несигурности. Бев многу добар сопруг, бидејќи верувам во бракот. Кога се разделивме, бев скршен. Чувствував дека кога ќе го постигне она што го сака, повеќе нема да ѝ требам. Вложив многу време и труд, но кога си со некого, мора да поминуваш квалитетно време заедно, да не мислиш на камерите цело време – рече тој тогаш.
Оџани тврди дека тој бил оној што одлучил да го прекине бракот, а неколку дена подоцна добил документи за развод. Наводно добил 50.000 долари отштета по разводот во јануари 1998 година.
– Никогаш не погледнав друга жена додека бев со Џенифер, но се чувствував дека ме прикажуваат како негативец. Нејзините луѓе сакаа таа да изгледа добро бидејќи имаа филм и албум што излегуваа и не сакаа лош публицитет. Излезе како да не сакам да бидам со неа, а беше сосема спротивното – заклучи тој во тоа време.