🎥 ПРВИ СНИМКИ ОД РАЗОРНИОТ ЗЕМЈОТРЕС ВО ЈАПОНИЈА Луѓе заробени во трговски центар, урнати куќи, жртви, повредени
Регионалната електроенергетска компанија „Кјушу Електрик Пауер“ соопшти дека не открила никакви неправилности во работењето на нуклеарните централи Сендај и Генкај, но земјотресот предизвикал прекин во електроснабдувањето поради што околу 45.000 домаќинства се без струја.
Големиот земјотрес што ја погоди префектурата Кумамото во јужна Јапонија предизвика уривање на голем број објекти, пожари, а најмалку 50 луѓе побарале лекарска помош, јави јапонската телевизија НХК.
По земјотресот во трговски центар во Кумамото се слушнала експлозија, се претпоставува дека има повеќе жртви. Повеќе луѓе се заглавени во трговскиот центар, а сè уште е непозната причината за експлозијата.
На снимките на НХК се гледаат оштетени мостови, товарен воз излетан од шини и испукани патишта на островот Кјушу и најмалку 12 урнати куќи.
Регионалната електроенергетска компанија „Кјушу Електрик Пауер“ соопшти дека не открила никакви неправилности во работењето на нуклеарните централи Сендај и Генкај, но земјотресот предизвикал прекин во електроснабдувањето поради што околу 45.000 домаќинства се без струја.
🇯🇵 BREAKING : Footage from Japan Kids crying in the shopping store During Huge 7.1 magnitude of earthquake. https://t.co/D0GAL46NjM pic.twitter.com/fO86UNjeHB
— World Updates (@Updatesofwworld) July 28, 2026
Премиерката на Јапонија, Санае Такаичи потврди дека земјотресот предизвикал голема материјална штета, што дополнително ќе се проценува.
Земјотрес со интензитет од 7,1 степени според Рихтеровата скала денеска е регистриран во префектурата Кумамото, а по земјотресот било издадено предупредување за цунами, што подоцна е суспендирано.
Владата на Јапонија издаде итни предупредувања за земјотрес во префектурите Кумамото, Нагасаки, Кагошима, Фукуока, Сага, Оита и Мијазаки. Сите префектури се наоѓаат на јужниот јапонски остров Кјушу.
WATCH: Magnitude 6.8 earthquake causes severe damage in Kumamoto, Japan pic.twitter.com/wfEDU5I6QZ
— BNO News Live (@BNODesk) July 28, 2026
Префектурата Кумамото во 2016 година беше погодена од два земјотреса со интензитет од 6,5 степени, а два дена подоцна уследи земјотрес со магнитуда од 7,3 степени. Во двата земјотреса загинаа 273 лица, а беа повредени над 2.800 луѓе.
На 25 јуни во северна Јапонија беше регистриран земјотрес со интензитет од 7,2 степени, но немаше жртви и големи штети.
На 11 март 2011 година јапонската префектура Фукушима беше погодена од огромен подводен земјотрес со интензитет од девет степени според Рихтеровата скала, што предизвика разорно цунами. Околу 18.500 луѓе загинаа или исчезнаа во земјотресот и цунамито, а нуклеарната централа Фукушима беше исто така сериозно оштетена.
Јапонија, која е лоцирана во таканаречениот Тихоокеански огнен прстен, е една од сеизмички најактивните земји во светот, каде земјотреси просечно се случуваат на неколку минути односно околу 18 проценти од сите земјотреси во светот.
Cameras from different locations captured the moment of the powerful magnitude 7.1 earthquake on the island of Kyushu in Japan: https://t.co/16BfNGYedH pic.twitter.com/NgFJg04a3i
— NEXTA (@nexta_tv) July 28, 2026