ПРОТЕСТОТ НА ССМ ЌЕ ГО БЛОКИРА ЦЕНТАРОТ НА СКОПЈЕ Од пладне изменет режим на сообраќај
Поради протестот на Сојузот на синдикати на Македонија, полицијата ќе воведе привремен режим на движење во централното градско подрачје.
Сообраќајот во центарот на Скопје денеска од пладне ќе се одвива по изменет режим поради протест што ќе го организира Сојузот на синдикати на Македонија.
Протестот е најавен за 12 часот и ќе се одржи пред Стопанската комора на Македонија, на улиците Димитрие Чуповски и Даме Груев. Поради собирот, дел од сообраќајот во овој дел од градот ќе биде пренасочен кон околните улици.
Можеби ќе ве интересира
Од полицијата информираат дека ќе има засилено присуство на службеници кои ќе го регулираат движењето и ќе воведат привремен режим на сообраќај во централното градско подрачје.
Возачите се повикуваат да ги следат насоките на полицијата и да сметаат на можни застои во овој дел од градот во текот на денот.