Проштално обраќање во јавноста на Меган и Хари: Тука повеќе нема да нѐ видите ФОТО
Меган Маркл (38) и принцот Хари (35) ја напуштија Велика Британија, па прво се преселат во Ванкувер, а потоа се упатија во Лос Анџелес. Британските медиуми известуваат дека Меган таму ќе се обиде да ја врати актерската кариера, која ја остави заради кралското семејство.
Од вечерва, тие и официјално престануваат да бидат дел од кралското семејство, со сите свои титули, но и со одговорности. Меган и Хари започнуваат нов живот, финансиски независен, а на тој пат се збогуваа и со популарниот кралски профил на Инстаграм, каде ги следеа повеќе од 11 милиони луѓе.
„Свртуваме ново поглавје во нашите животи и сакаме да придонесеме за светот на некој поинаков начин. Иако можеби нема да нè видите повторно тука, нашата работа продолжува. Ние веруваме дека секоја личност на овој свет има потенцијал да направи разлика. Ви благодариме за поддршката, инспирацијата и ангажманот, за да го направите и самите светот подобро место. Се радуваме на некоја нова можност, бевте одлични. Дотогаш, внимавајте на себе си и вашите најблиски“, напишале Меган и Хари во проштална објава, меѓу другото.
Кои привилегии ги изгубија?
– Нема да ја претставуваат Кралицата.
– Монархијата нема веќе да ги финансира.
– Ќе мора да ги вратат парите за обновата на домот во Англија.
– Нема да имаат службена канцеларија во Бакингамската палата.
– Нема да имаат контрола врз објавувањето на папараци фотографии на Интернет.
FOTO: Instagram/Printskrin