ПРОПАЛЕСТИНСКИ ПРОТЕСТИ ВО БЕРЛИН Повредени 65 полицајци
Во масовните протести во Берлин уапсени се 174 лица, од кои 65 ќе бидат под истрага - соопшти германската полиција.
На синоќните протести во Берлин против израелското бомбардирање на Појасот Газа, беа повредени 65 полицајци. Демонстрантите се собраа и покрај забраната.
Полицајците се повредени од камења, запалива течност и отпор од демонстрантите, објави берлинската полиција на Твитер.
Портпаролката на полицијата изјави дека се уапсени 174 лица, од кои 65 ќе бидат под истрага.
Можеби ќе ве интересира
Собирот започна во Нојкоелн, област со голема арапска заедница.
– Запали сѐ- пишуваше во поканата за собирот.
Полицијата ги предупреди демонстрантите да се разотидат, а кога тие не одговорија на повикот, полицијата кон нив употреби водени топови.