ПРОНАЈДЕНО Е ТЕЛО НА 42-ГОДИШЕН МАЖ ПОКРИЕНО СО ЗЕМЈА Има сомнеж дека е убиен
Дежурен јавен обвинител од Основното јавно обвинителство Кавадарци изврши увид на лице место во куќа во која беше пронајдено безживотно тело на 42-годишен маж.
Телото било пронајдено покриено со земја и со предмети во помошни простории, што првично упатува дека смртта е резултат на кривично дело.
Можеби ќе ве интересира
Семејството се обидувало неколку дена да го лоцира сега починатиот, кој живеел сам.
„Со цел расчистување на настанот, јавниот обвинител издаде наредба за обдукција на починатиот. Од лице место подигнати се траги и материјални докази кои ќе бидат предмет на вештачење. Се издаваат наредби и насоки за откривање на сторител“, се наведува во соопштението од Обвинителството.