ПРОНАЈДЕН МРАЗ ПОЖЕЖОК ОД ПОВРШИНАТА НА СОНЦЕТО Ова е сосема нов тип на материја
Водата е единствената супстанца во универзумот која има 20 облици. Суперјонскиот мраз е еден од нив. Тој се јавува во јадрата на планети како Уран и Нептун и за да опстои ја менува атомската решетка и станува потемен.
Кога помислуваме на ниски температури, прво нешто што паѓа напамет е мразот. Мразот е суштински „ладна“ работа за нас, не? Но, при екстремен притисок, како во јадрото на големите планети, може да се случи нешто чудно. Мразот може да остане цврст, но да има температура потопла од површината на Сонцето, пишува ИФЛ Наука, со што се добива нов тип на материја.
– Тоа е нова состојба на материјата, така што во основа делува како нов материјал и може да се разликува од она што го мислевме – вели Витали Пракапенка, коавторка на студијата објавена во Nature Physics.
Планетарните научници веруваат дека слични екстремни услови во притисок и температури може да постојат во Нептун и Уран, како и во други ледени џиновски планети надвор од Сончевиот систем. Разбирањето на својствата на т.н. „суперјонски“ мраз може да ни помогне да ги разбереме својствата на овие планети.
„Суперјонскиот мраз“ е додаден на списокот од околу 20 фази што водата може структурно да ги формира, вклучувајќи мраз, течност и пареа. Водата е единствена супстанца која има 20 различни облици. Истражувачите пронашле две суперјонски фази на мраз, но и начин да го репродуцираат и одржат мразот за да го проучуваат.
Scientists @UChicago find strange black ‘superionic ice’ that could exist inside other planets – https://t.co/d7ZlSXN1ku pic.twitter.com/dOzaCYaDyA
— Argonne National Lab (@argonne) November 8, 2021
Една суперјонска фаза се формира во услови на притисок помеѓу 200.000 и 600.000 пати повеќе од атмосферскиот притисок на нивото на морето и на температура од неколку стотици до над 1.000° степени целзиусови. Другата фаза се формира негде на половина од притисокот што се чувствува во центарот на Земјата и со температури од илјадници степени.
При овие температури и неверојатни притисоци, мразот останува цврст, но атомската структура му е драматично поместена. Откако ќе се отстранат притисокот и температурата, мразот се враќа во својата редовна состојба.
– Замислете коцка, решетка со атоми на кислород на аглите поврзани со водород. Кога се трансформира во оваа нова „суперјонска“ фаза, решетката се шири, дозволувајќи им на атомите на водород да мигрираат наоколу додека атомите на кислород остануваат стабилни во своите позиции. Тоа е нешто како цврста кислородна решетка која седи во океан од пловечки атоми на водород – вели Пракапенка.
Суперјонскиот мраз е помалку густ од обичниот мраз, за кој веќе знаеме дека е помалку густ од течната вода. Ја менува и бојата. Додека обичниот мраз може да биде проѕирен до облачно бел, во зависност од тоа како се замрзнува, суперјонскиот мраз е потемен бидејќи различно комуницира со светлината.