ПРОФЕСОРКА СИЛУВАЛА УЧЕНИК, ДОДЕКА ДРУГИТЕ УЧЕНИЦИ „ЧУВАЛЕ СТРАЖА“ Во шокантен пресврт, еве зошто полицијата го уапси таткото на момчето

Професорка од Мисури е обвинета за силување на 16-годишен ученик со кој имала интимна врска додека другите ученици „гледале“, а таткото на момчето исто така се соочува со кривични пријави за одобрување на „вознемирувачките односи“.

Средношколската професорка по математика Хејли Клифтон-Кармак (26) е уапсена во Тексас овој петок откако „била осомничена дека побегнала од државата Мисури“ за да избегне апсење, соопшти полицијата.

Наводите за сексуални злосторства против неа први се појавија на 7 декември 2023 година.

Еден соученик ја пријавил наводната недозволена врска на службеник во училиштето, кој веднаш го контактирал Одделот на шерифот на округот Пуласки, покажуваат судските документи.

Сведокот потоа им покажа на полицајците фотографии на кои се гледаат гребнатини на грбот на неговиот соученик. Тој изјавил дека бил „изгребан од Хејли“, наводно за време на сексуален однос.

Сведокот тврдеше и дека професорката по математика во минатото имала проблеми со директорот на училиштето бидејќи „била премногу блиска со учениците“.

Што друго е во документите?

Клифтон-Кармак често носела тесни или деколтирани кошули за да ја покаже пропорциите и тесни фармерки кои го оцртуваа нејзиното меѓуножје, се вели во судските записи.

Сведокот им рекол на инспекторите дека жртвата била причината за „нејзиниот развод“ и дека „Хејли сакала развод бидејќи нејзиниот сопруг бил фокусиран само на нејзината задница“, се открива во судскиот документ.

Детективите се соочиле со професорката на 8 декември 2023 година, по наводите, а таа негирала дека имала сексуален однос со кој било ученик.

Полицијата го заплени нејзиниот телефон, но не можеше да пристапи до неговата содржина додека не беше издаден налог.

Откако добила пристап до телефонот на 22 декември, полицијата пронашла СМС пораки кои укажуваат на наводна врска помеѓу 16-годишниот ученик и професорката, според судските документи.

Клифтон-Кармак го напушти Мисури за да го посети семејството во Тексас околу 23 декември.

На 3 јануари 2024 година, полицијата разговарала со „поединци кои живееле во резиденцијата каде што претходно живеела Хејли“ во Мисури, кои рекле дека таа „се преселила во Тексас за да живее со своето семејство таму“ и „не биле сигурни дали се вратила“.

Набргу потоа биле издадени налози за апсење на професорката.

По апсењето во Тексас во петокот, таа беше обвинета за загрозување на благосостојбата на дете (прв степен), сексуален однос со малолетник, сексуален контакт со ученик и злоупотреба на деца (четврт степен). Нејзината кауција е одредена на 250.000 долари и ја чека екстрадиција во Мисури.

Началникот на областа, Кент Стумбауг, рече дека Клифтон-Кармак не била на училиште откако првпат излегоа на виделина наводите.

„Лошо однесување“

– Наводното недолично однесување е неоправдано и не ги исполнува професионалните стандарди за вработените во областа. Областа презеде итна акција веднаш штом станавме свесни за оваа ситуација“, напиша Стоумбауг.

– Вработената не е во реонот од 8 декември 2023 година и не очекуваме да се врати.

Стоумбауг рече дека Клифотон-Кармак работела во училиштето околу една и пол година и тоа е нејзина прва работа во училиштето.

Во шокантен пресврт, ново обвинение е покренато против таткото на момчето, кој наводно им открил на другите дека знаел за недозволената врска на неговиот син со учителката.

Марк Крајтон беше уапсен во четвртокот под обвинение за загрозување на благосостојбата на едно дете.

Во средата, друг сведок откри дека на таткото на тинејџерот му било кажано за наводното злосторство, на што тој одговорил дека знаел дека професорката и неговиот 16-годишен син биле во „сексуална врска“, според судските документи.

Таткото, исто така, наводно раскажал од каде знаел за неговиот син, а професорката по математика користела други ученици како „чувари“ за секс за време на часовите.

Крајтон „знаел за врската меѓу своето малолетно дете и 26-годишната учителка и наместо да ги пријави информациите, продолжил да ги прикрива и дозволил врската да продолжи“ и „дури ѝ дозволил на Хејли да дојде во неговата куќа за да ја посети својата жртва“, според обвинителите.

Кога сведокот му рекол на таткото на жртвата дека сè ќе пријави во полиција, тој одговорил дека неговиот син и учителката „ќе го направат тоа зад мојот грб, па можеби и јас ќе дозволам да се случи“.

Наводно на сведокот му рекол и дека ќе лаже за синот ако треба.

Таткото на тинејџерот е притворен со кауција од 50.000 долари.