Професионалци на чело на АВМУ и на НРТВ, му одговори Заев на ЗНМ
Професионални раководства на Агенцијата за аудио и аудиовизуелни медиумски услуги и националниот радиодифузен сервис најави лидерот на СДСМ Зоран Заев на својот налог на Твитер.
Тој со ова даде одговор на едно од прашањата кои ги поставија Самостојниот синдикат на новинари и медиумски работници (ССНМ), Здружението на новинари на Македонија (ЗНМ) и Советот за етика во медиумите во Македонија (СЕММ) до политичките партии и коалиции кои ќе настапат на предвремените парламентарни избори.
„АВМУ и НРТВ ќе добијат раководства од професионалци, избрани пред цела јавност, за конечно ослободување од режимот. @MickoskiHM и @ilijadimovski веќе нема да го кочат овој процес бидејќи #СДСМ ќе освои големо мнозинство пратеници, со што слободата ќе издоминира врз принудата“, напиша Заев.
Заев најави дека во накус можен рок ќе даде одговори и на другите прашања.