ПРОДОЛЖУВАМЕ СО СОРАБОТКАТА КОЈА ГИ СПОЈУВА НАРОДИТЕ Пендаровски му ја честиташе победата на Макрон
Честитки до Емануел Макрон за победата на претседателските избори. Оваа победа се случува во време на предизвици кога проевропскиот избор е навистина значаен, вели претседателот Пендаровски.
Претседателот на државата Стево Пендаровски на својот фејсбук-профил ја честиташе победата на Емануел Макрон на претседателските избори во Франција.
– Честитки до Емануел Макрон за победата на претседателските избори. Оваа победа се случува во време на предизвици кога проевропскиот избор е навистина значаен. Се надевам ќе продолжиме со соработката за прашањата кои ги зближуваат нашите земји и народи – напиша Пендаровски на Фејсбук.
Честитки за реизборот на францускиот претседател Емануел Макрон пристигнаа од американскиот претседател Џо Бајден, како и од претседателот на Украина, Волородин Зеленски.
– Со нетрпение очекувам да ја продолжиме нашата блиска соработка – вклучително и за поддршка на Украина, во одбрана на демократијата и во борбата против климатските промени – напиша Бајден на Твитер.
Зеленски пак му посакува на Емануел Макрон нов успех за бенефит на францускиот народ.
– Ја ценам поддршката на Франција и убеден сум: чекориме заедно кон нови заеднички победи! За силна и обединета Европа! – напиша Зеленски синоќа на Твитер.