Продолжен рокот за бесцарински увоз на замрзнато свинско месо
Месната индустрија ќе може да увезува замрзнато свинско месо до 31 октомври.
Владата за четири месеци го продолжи рокот за бесцарински увоз на замрзнато свинско месо за преработка. Со тоа месната индустрија ќе може да увезува замрзнато месо до 31 октомври.
– На предлог на Министерството за економија на вчерашната седница на Владата донесовме одлука за четири месеци да се продолжи рокот до кој месната индустрија ќе може да увезува замрзнато свинско месо без царина до до 31 октомври (претходно беше утврдено до 20 јули).. Во услови на прогласување на пандемија од СЗО, каде што месната индустрија е подготвена да го задржи континуитетот на производство, да ги задржи вработените на работа и да продолжи навреме и во соодветни количини да пласира сувомеснати производи на внатрешниот пазар и можност за извоз, донесовме одлука да ја продолжиме оваа мерка која што досега даде големи резултати – информира на денешната седница министерот за економија Крешник Бектеши.
Претходната мерка за увоз на замразнато место која беше донесена во декември лани важи до јули годинава, но компаниите уште во февруари ги увезоа планираните количини. предвидени за годинава.
– Со оглед на новонастанатата состојба и зголемената побарувачка на месни преработки, посебно конзерви, побаравме владата да ја продолжи мерката за увоз на свинско месо за преработка. Со тоа очекуваме да се зголеми производството на месни преработки и да се задржат вработените и да се вработат нови луѓе. Исто така ќе се зголемат и залихите и резервите на месни преработки – велат од Стопанската комора.