ПРОЦЕСОТ ЗА УСТАВНИ ИЗМЕНИ САМО ШТО ПОЧНА, ВО МОМЕНТОВ ИМА ПОДДРШКА ОД 73 ПРАТЕНИЦИ Ковачевски вели дека Собранието има капацитет да го заврши успешно

Процесот на уставните измени само што започна, со 70 гласа за изгласување на дневниот ред, иако некои претпоставуваа дека ќе биде под 65 пратеници, меѓутоа во моментов процесот го поддржуваат 73 пратеници – рече во интервју за Сител телевизија премиерот и претседател на СДСМ Димитар Ковачевски.

– Собраниската седница покажа дека СДСМ и коалицијата, европската коалиција, се за продолжување на европската интеграција на Македонија и дека опозицијата сака да ја блокира европската иднина на земјата. Повторно, како што било во минатото ДПМНЕ е за блокада на патот на Северна Македонија во европските интеграции, односно зачленување во ЕУ исто како што беше и против зачленувањето во НАТО. Вие се сеќавате дека ние поминавме еден процес на уставни измени и при зачленувањето на НАТО. Благодарение на тој успешен процес, денес сите сме горди што сме земја членка на НАТО особено кога се води воен конфликт во Европа – рече Ковачевски.

Претседателот на СДСМ и премиер додаде дека е убеден дека македонското Собрание има капацитет да донесе уште една стратешка одлука за иднината на земјата.

– Убеден сум дека нашето Собрание има капацитет да донесе уште една голема, стратешка одлука за граѓаните, пред се за иднината на граѓаните со која што ќе го започнеме отворањето на кластерите, по успешното завршување кое следи на скрининг процесот, веќе првиот извештај за кластерот фундаменти е завршен. И до 2030 година државата да стане земја членка на ЕУ – рече претседателот на СДСМ и премиер Димитар Ковачевски вечерва на Сител Телевизија.

Премиерот Ковачевски најави дека утре во Атина на неформалната средба што ја организира грчкиот премиер Киријакос Мицотакис за лидерите од Западен Балкан, ќе има формален состанок со претседателката на Европската комисија Урсула Фон дер Лајен.

– Претседателката на ЕК од прва рака ќе може да се информира од мене за текот на уставните измени, иако таа веќе ги има сите информации, и пред одржувањето на седницата во однос на поднесувањето, дека процесот започна, дека започна со 73 гласа за изгласување на дневниот ред во однос на уставните амандмани, и оти стана многу јасно дека СДСМ и Коалицијата, европската коалицја, се за продолжување на европската интеграција на Северна Македонија, меѓутоа дека опозицијата повторно, како што било и во минатото, е за блокада на патот на Северна Македонија во европските интеграци, исто како ш-то беше и против залченувањето на Северна Македонија и во НАТО – рече Ковачевски во гостувањето во Тема на денот на ТВ Сител.