ПРОБЛЕМИ ЗА РЕАЛ МАДРИД Се повреди Герет Бејл, ќе паузира неколку недели

Фудбалерот од средниот ред Герет Бејл ќе ги пропушти претстојните натпревари на Реал Мадрид поради повреда.

Триесет и двегодишниот Велшанец заработи повреда на мускулот (листот) на ногата настапувајќи за репрезентацијата минатата недела.

Закрепнувањето на Бејл ќе трае две до три недели.

Тој се повреди на 13 ноември на натпреварот со Белорусија (5:1), поради што беше заменет на паузата.

Во тековната сезона Бејл настапи на само три натпревари во Шпанското фудбалско првенство и постигна еден гол.