ПРИВРЕМЕНО ОТСТАПЕТЕ МУ ТЕРИТОРИЈА НА ПУТИН Столтенберг упати предлог до Украина
Ако линијата за прекин на огнот значи дека Русија продолжува да ги контролира сите окупирани територии, тоа не значи дека Украина мора засекогаш да се откаже од територијата, вели поранешниот генерален секретар на НАТО.
Поранешниот генерален секретар на НАТО, Јенс Столтенберг, предложи Украина привремено да направи територијални отстапки кон Русиија за што поскоро да се воспостави примирје.
Тој во интервју за германската медиумска куќа„Табела“ нагласи дека дипломатските преговори и компромисот можат да го отворат патот за договор кон прекин на огнот.
– Потребна ни е линија за прекин на огнот, и секако ова треба да ги вклучи сите области кои моментно се под руска контрола. Но, гледаме дека тоа можеби нема да биде реално остварливо во блиска иднина. Ако линијата за прекин на огнот значи дека Русија продолжува да ги контролира сите окупирани територии, тоа не значи дека Украина мора засекогаш да се откаже од територијата – рече Столтенберг.
Поранешниот прв човек на НАТО ја истакна важноста за обезбедување безбедносни гаранции за Киев во замена за какви било територијални размислувања како дел од договорот за прекин на огнот.
Иако членството во НАТО е опција, поради што Украина денеска испрати своевиден ултиматум, Столтенберг наведува дека „има и други начини за поддршка на Украина“.