ПРИВЕДЕНИ СЕ ЧЕТВОРИЦА МАЛОЛЕТНИЦИ Два дена со нож дивееле во ГТЦ
Во петокот околу 22 часот во Градски трговски центар каде физички нападнале малолетник од Скопје и агресивно се однесувале кон три малолетнички, а вчера исто така во ГТЦ нападнале момче и девојка.
Полициски службеници од Полициската станица Центар при СВР Скопје синоќа лишиле од слобода четири малолетници од Скопје, при што кај еден од нив бил пронајден и одземен нож. Тие се сомничат дека извршиле повеќе кривични дела на подрачјето на Центар, информира МВР.
Оттаму истакнуваат дека, лицата се сомничат за дело кое го сториле на 05 април околу 22 часот во Градски трговски центар каде физички нападнале малолетник од Скопје и агресивно се однесувале кон три малолетнички, исто така, од Скопје и дека истиот ден околу 22.40 часот на подрачјето на Центар физички нападнале друг малолетник од Скопје.
Исто така, информираа дека тие се сомничат за настан сторен на вчера околу 20 часот во Градски трговски центар физички ги нападнале Л.Т.(20) и 19 – годишната С.А., двајцата од Скопје.
По целосно документирање на случаите, во координација со јавен обвинител за малолетници, против нив ќе бидат поднесени соодветни пријави, соопштија од МВР.