ПРИВЕДЕН МОЖНИОТ НАПАЃАЧ НА УНИВЕРЗИТЕТОТ БРАУН 20 полицајци упаднале во хотелска соба

Приведено е лице осомничено за убиство на двајца и повредување на девет други студенти на Универзитетот Браун во САД.

Две лица се убиени, а деветмина се ранети во пукотницата што се случи во кампусот на Универзитетот Браун во американскиот град Провиденс.

Ректорката Кристина Х. Паксон потврди дека сите жртви биле студенти, кои во тој момент имале испити.

Полицијата веднаш започнала потрага по маж облечен во црно, за кој се вели дека имал околу триесет години. Новинарите на CNN биле сведоци на рацијата во хотел во близина на аеродромот во Провиденс.

Околу дваесет полицајци, шерифи и агенти на ФБИ упаднале во хотелската соба и уапсиле „лице поврзано со инцидентот“.

– Лице од интерес е во притвор – изјави директорот за комуникации на канцеларијата на градоначалникот на Провиденс, Џош Естрела.