Принцот Хари итно префрлен на психијатрија, доживеал нервен слом

Според магазинот „Глобус“, состојбата на принцот Хари се влошувала со текот на годините, особено откако тој поминал 10 години служење во војската, а „капката која прелила чашата“ била разделбата од кралското семејство и многу тешкиот потег што тој го направил за да ја заштити својата сопруга Меган од британската јавност и медиумите кои не ѝ биле наклонети.

И тој самиот во еден момент признал дека не сакал да ѝ се случи тоа што ѝ се случило на неговата мајка.

– Самиот Хари призна дека не може да верува колку му се сменил животот и му се свртел наопаку. Меган го принуди да ги отфрли своето семејство, пријателите, така што таа може да го следи нејзиниот сон да стане холивудска актерка – но тоа се претвори во негов најлош кошмар – рекол изворот, пренесува „Стори.хр“. Тој додал дека Хари се чувствува изгубен и осамен затоа што нема пријатели во Лос Анџелес.

– Единствените луѓе што ги гледаат се sвездите на А-листата со кои Меган се спријателила за да ја покрене својата кариера и да стане суперsвезда – рекол тој и опишал дека Хари доживеал нервен слом.

– Принцот и Меган се расправаа за тоа како би изгледал нивниот живот во САД кога ќе завршат карантинските мерки, што доведоа до точка на пукање. Тој заврши во блиската клиника за лекување ментални болести. Слушнав дека боледува од ПТСП, што ја предизвика смртта на неговата мајка, а сегашната состојба и траумата поради одвојувањето од кралското семејство тоа му го влошија – изјавил изворот за магазин.