Принцот Чарлс ја запросил леди Дијана на најлош можен начин

Иако бракот на принцот Чарлс и принцезата Дијана заврши пред 25 години, а омилената принцеза загина пред 23 години, не може да престане да се пишува за деталите од нивниот однос којшто го заинтригира целиот свет.

Сè повеќе станува јасно дека Чарлс на некој начин бил принуден да се ожени со младата аристократка, иако бил лудо вљубен во Камила. Експертите за кралското семејство постојано учествуваат во документарните филмови за Дијана и се чини дека јавниот интерес не бледее.

Во новиот документарец посветен на кралската венчавка на векот, некои кралски биографи раскажуваат дека Чарлс ја запросил Дијана на нималку романтичен начин, а таа по неговата понуда се изнасмеала.

Откако се изнасмеала, Дијана ја вратила присебноста и ја прифатила понудата и му рекла на Чарлс дека многу го сака. Тој ѝ рече „да, што и да значи љубовта“, а истото тоа го повтори и пред камерите кога тие ја објавија свршувачката.

Чарлс дури не ни донесе свршенички прстен, туку Дијана самата го избрала накитот и, според сопственото признание, го зела најголемиот камен којшто бил во понудата.