Принцот Алберт од Монако има коронавирус

Принцот Алберт Втори од Монако (62) е позитивен на новиот коронавирус, објави кралската палата, а пренесе „Индипендент“.

Пред само 24 часа, принцот Алберт Втори најави дека кнежеството ќе биде ставено во своевиден карантин на неопределено време.

Властите во државата рекле дека не се загрижени за здравјето на 62-годишниот владетел.

Палатата рекла дека здравјето на принцот „не предизвикува никаква загриженост“, додавајќи дека продолжува да работи од изолација. Меѓутоа, под надзор е на неговиот личен лекар и специјалистите од болничкиот центар „Принцеза Грејс“, која го носи имате на неговата мајка Грејс Кели.

Не е познато дали е тестирана неговата сопруга Шарлин (42).

Тој владее со кнежевството од 6 април 2005 година и е син на Рание Трети и поранешната холивудска актерка, Грејс Кели.