ПРИМИРЈЕТО ВО ГАЗА Е ПОБЛИСКУ ОТКОЛКУ ШТО СЕ ОЧЕКУВАШЕ Двете страни ќе го положат оружјето за 24 до 36 часа?

Извори запознаени со разговорите во Египет изјавија дека се претпазливо оптимисти дека работите се движат во вистинската насока, објави Скај њуз.

Тие рекоа дека договорот може да се потпише во следните 24 до 36 часа ако работите продолжат вака. По тој момент, ќе се спроведат фази од договорот, вклучувајќи прекин на огнот и ослободување на заложниците.

Изворите, исто така, рекоа дека вечерва може да се даде почетна изјава, иако конечниот список на палестински затвореници што треба да се ослободат останува спорно прашање.

Разговорите во Шарм ел-Шеик вклучуваат претставници од Хамас и Израел, како и медијатори од САД, Катар и Египет.

Зборувајќи во Белата куќа, американскиот претседател им рече на новинарите за разговорите во Шарм ел-Шеик.

– Имаме одличен тим таму, одлични преговарачи. За жал, има одлични преговарачи од другата страна. Но, тоа е нешто што мислам дека ќе се случи, има голема шанса да се случи. Можеби ќе одам таму некаде кон крајот на неделата, можеби всушност во недела, и има многу голема шанса преговорите да одат многу добро – рече Доналд Трамп.

Тој додаде дека скоро сите се вклучени во преговорите, вклучувајќи ги и „муслиманските и арапските“ земји, и дека се во тек завршни разговори со Хамас.

Израел станува сè поуверен дека мировен договор ќе биде постигнат до крајот на оваа недела, според висок извор кој разговарал со Скај њуз.