ПРИМИРЈЕТО Е МОЖНО ЗА НЕКОЛКУ ДЕНА Марко Рубио се надева дека Русија ќе прифати 30-дневен прекин на огнот во Украина

Американскиот државен секретар Марко Рубио денеска изјави дека се надева дека прекинот на огнот меѓу Русија и Украина може да се случи во рок од неколку дена доколку руските лидери се согласат и дека тој планира на состанокот во Канада оваа недела да ги натера дипломатите од Групата 7 да се фокусираат на завршување на војната.

– Еве како би сакале светот да изгледа за неколку дена: ниту една страна да не пука кон друга – без ракети, без проектили, без куршуми, ништо, без артилерија. Пукањето престанува, борбите престануваат и разговорите почнуваат – им рече тој на новинарите во Ирска, на пат од Саудиска Арабија за Канада, објави Њујорк Тајмс.

Првиот американски дипломат додаде дека чувствува дека нема да наиде на непријателство од американските сојузници поради неодамнешните царини наметнати кон Канада од страна на американскиот претседател Доналд Трамп, додавајќи дека очекува да има срдечни разговори со канадските официјални лица, и покрај заканата на претседателот Трамп да ја анексира Канада и да ја направи 51-та земја.

– Тоа не е она за што ќе разговараме на Г7 и за тоа нема да зборуваме за време на нашето патување. Тие се земја домаќин и мислам, имаме многу други работи на кои работиме заедно. Украина направи позитивен чекор, се надеваме дека Русите ќе возвратат. Тоа би бил најдобриот гест на добра волја од руска страна – рече тој.

Рубио вчера по разговорите во Џеда изјави дека Русија ќе ја прифати понудата за 30-дневен прекин на огнот во Украина.

Британските медиуми пренесуваат дека Рубио не даде рок до кој треба да започне примирјето, но „се надева што е можно поскоро“.