ПРИМИЛ 4 ДОЗИ, СЕ ЗАРАЗИЛ 2 ПАТИ Директорот на Фајзер фати ковид по втор пат за два месеца
Во август Бурла за прв пат имаше коронавирус и почна да го пие лекот „паксловид“ против ковид-19, развиен од неговата компанија.
Извршниот директор на Фајзер, Алберт Бурла (60) соопшти дека е позитивен на тестот за ковид по вторпат.
– Се чувствувам добро и немам никакви симптоми – рече Бурла.
Во август Бурла за прв пат имаше коронавирус и почна да го пие лекот „паксловид“ против ковид-19, развиен од неговата компанија.
Тој примил четири дози од вакцината против ковид развиена од Фајзер и германскиот партнер Бионтек.
Бурла рече дека сè уште не го примил новиот бивалентен бустер.
– Не примив бивалентен бустер, ги следев упатствата на американскиот Центар за контрола и превенција на болести (ЦДЦ) да чекам три месеци, бидејќи претходно имав ковид во средината на август – објасни Бурла.
Таканаречените бивалентни дози, развиени од Модерна и тимовите од Фајзер и Бионтек, се насочени кон подсоевите на Омикрон БА. 5 и БА. 4, кои во моментов претставуваат 84,8 отсто од инфекциите со коронавирус во САД, според најновите податоци.