📽 ПРИГОЖИН СЕ ПОТИ НА 50 СТЕПЕНИ „Африка сега е уште послободна“
Правда и среќа за африканските народи. Кошмар за ИСИЛ, Ал Каеда и за другите бандити, вели Пригожин на снимката.
Видео од Евгениј Пригожин, водачот на платениците „Вагнер“ беше објавено на канал на Телеграм, а во него тој тврди дека температурата е 50 целзиусови степени, но дека „Африка е уште послободна“.
„Ја правиме Русија уште поголема, на сите континенти. А Африка е уште послободна. Правда и среќа за африканските народи. Кошмар за ИСИЛ, Ал Каеда и за другите бандити“, рече тој.
Снимката доаѓа во очи на самитот на БРИКС во Јужна Африка, додека Пригожин претходно во јули беше виден на маргините на средба на лидерите на африканските земји во Санкт Петербург заедно со официјално лице од една африканска држава.
new video with Yevgeny Prigozhin appeared from Africa.
“We are working. Temperature +50°. Everything we love. The Wagner Group conducts reconnaissance and search activities. Makes Russia even greater on all continents! And Africa even more free. Justice and happiness for the… pic.twitter.com/unNuPV29v4
— Sprinter (@Sprinter99800) August 21, 2023
Претходно, сателитски снимки сугерираа дека „Вагнер“ се наоѓаат во камп во Белорусија каде наводно ги тренираат белоруските војници. Според снимките од „Максар технолоџис“ кампот расте од ден во ден.
Откако одиграа клучна улога во битките во Украина платениците „Вагнер“ се побунтуваа против руската власт, а обидот за пуч го прекинаа на стотина километри од Москва. Се шпекулираше дека постои договор со кој Пригожин треба да замине во Белорусија.