Претседателот на СДП Бернардиќ поднесе оставка по поразот на коалицијата Рестарт
Претседателот на Социјалдемократската партија на Хрватска Давор Бернардиќ денеска поднесе оставка по изборниот дебакл на Рестарт коалицијата на таа опозициска партија.
Бернардиќ на прес-конференција, по седницата на Претседателството на СДП, рече дека за лидер на партијата ќе бидат распишани избори и дека тој нема да се кандидира.
Можеби ќе ве интересира
– До изборите, вршител на должноста претседател на СДП ќе биде Златко Комадина – рече Бернардиќ.
Според сѐ уште неофицијалните резултати од изборите, коалицијата „Рестарт“ освои 41 место во хрватскиот парламент, иако предизборните анкети укажуваа дека ќе биде релативен победник.