Претседателот на кичевскиот огранок на Беса се повлече од функцијата

Претседателот на огранокот на Движењето Беса во Кичево Исеин Ајдари со соопштение до јавноста инфромира дека се повлекува од претседателката функција на огранокот на оваа партија во Кичево.

– Почитувани граѓани, по објавувањето од Централното претседателство на Движењето Беса по одлуката за реорганизација на партијата во структурен аспект, почнувајќи од ограноците и подограноците, со тоа мене како сегашен претседател на огранокот во Кичево, ми завршува мојот мандат – пишува Ајдари.

– Им се заблагодарам на секој претседател на подгранок и раководството на огранокот кои внимателно ги извршуваа сите активности и задачи што произлегуваат од огранокот во Кичево и јас како нејзин сегашен претседател – вели Ајдари

Тој вели дека  му посакува многу успеси на новиот претседател кој ќе биде избран со гласовите на новите делегати и му се  заблагодари на Централното претседателство и на претседателот на Беса, за успешната соработка и можноста дадена на последните парламентарни избори како кандидат за пратеник на подрачјето на Кичево, со кои Движењето Беса стана составен дел од владата.