Претреси во станови на Груевски и Јанакиески, Обвинителството продолжува со истрага во предметот „Плацеви на Водно“

По барање на Основното јавно обвинителство за гонење на организиран криминал и корупција денеска е извршен претрес во повеќе објекти. Претресот е во рамки на истражните дејствија во предметот во јавноста познат како „Плацеви на Водно“, информира попладнево Основното јавно обвинителство за гонење на организиран криминал и корупција кое вели дека продолжува во континуитет да презема дејствија во насока на целосно расчистување на предметот.​

Обвинитеството во писменото соопштение не открива во чија сопственост се денеска претресените објекти, но познато е дека во случајот „Плацеви на Водно“, покрај Никола Груевски, осомничени се и Ристо Новачевски, Сашо Мијалков, Јордан Камчев, неговата мајка Ратка Камчева и Ненад Јосифовиќ.

Претходно, некои медиуми известија дека претрес имало во станови на поранешниот премиер Никола Груевски во Скопје, и поранешниот министер за транспорт и врски Миле Јанакиески во Прилеп..