ПРЕТРЕС ВО АКАДЕМИЈАТА ЗА СУДИИ И ЈАВНИ ОБВИНИТЕЛИ Се проверува злоупотреба на системот за полагање испити

Полицијата ги претресува просториите на Академијата за судии и јавни обвинители. По наредба на судија на претходна постапка, а по барање на Основното јавно обвинителство за гонење на организиран криминал и корупција попладнето во Академијата за судии и јавни обвинители се врши претрес.

Се одземаат електронски податоци од компјутерските системи, мобилни телефони и досиеја од веќе избрани судии и обвинители, јави МИА.

Од Министерството за внатрешни работи информираат дека дејствијата се во тек.

Според неофицијални информации станува збор за проверка на индиции за злоупотреби поврзани со полагање испити и тестови, објави Република.