Претпладне сончево, попладне дожд

Времето денеска ќе биде сончево со мала до умерена облачност. Oд пладневните часови ќе има појава на локални врнежи од дожд, повремено поројни проследени со грмежи. Ќе дува умерен до засилен претежно северен ветер, најизразен долж Повардарието.

Утринската температура ќе се движи од 5 до 14 степени, а дневната температура од 13 до 24 степени. УВ-индексот ќе биде 7.

Во Скопје, претпладне сончево со мала до умерена облачност, а од пладневните часови облачноста ќе се зголеми и ќе има појава на локални врнежи од дожд, повремено со пороен интензитет. Ќе дува умерен ветер од северозападен правец кој краткотрајно ќе засилува.

Утринската температура ќе достигне до 11 степени, а дневната температура до 21 степен.

Од утре следува период на потопло време, краткотрајно ќе биде постабилно, но ќе има изолирана појава на нестабилна облачност со пороен дожд, грмежи и засилен ветер.