ПРЕТЕПАНО Е БЕБЕ НА ДЕТСКА КЛИНИКА? Таравари порача дека виновниците ќе одговараат

Министерот за здравство Арбен Таравари вечерва во објава на Фејсбук информира дека од сторија на портал дознал за случајот со претепаното тримесечно бебе на Клиниката за детски болести. Семејството на бебето, како што додава Таравари, се сомнева дека детето било нападнато по вербална расправија со медицинска  сестра за време на приемот во болницата.

Наводно, расправијата се случила бидејќи мајката на детето не знаела да комуницира на македонски јазик.

„Доколку овој случај е вистина, оваа медицинска сестра веднаш ќе биде отпуштена и јас лично ќе се погрижам веднаш да биде упатена до правните органи. Каква и да е вистината, виновниците за овој грозен и болен чин ќе бидат пронајдени и казнети“, пишува Таравари во објавата на Фејсбук.

Министерот најави дека ќе ја посети клиниката за да разговара со персоналот и информираше дека бебето е пуштено од болница и дека тој лично ќе го посети неговиот дом за да разговара со семејството.