ПРЕСПА Е ОБВРСКА И ЗА ДВЕТЕ СТРАНИ Од МНР велат дека целосно ги почитуваат потпишаните меѓународни договори
Во целост остануваме посветени на спроведување на европскиот интегративен процес преку доследно заокружување и надградување на започнатите реформи за членството во ЕУ, како наш врвен надворешно-политички приоритет, се вели во реакцијата од МНР во врска со почитувањето на Договорот од Преспа.
Министерството за надворешни работи и надворешна трговија соопшти дека во целост ги почитува преземените обврски од меѓународните договори чиј потписник е Република Северна Македонија, вклучително и од Договорот од Преспа, но потсетува дека неговата имплементација е обврска и за двете страни.
„Воедно ја реафирмираме подготвеноста за искористување на сите можности кои ги нуди Договорот од Преспа за натамошно јакнење на билатералната соработка во сите области од заемен интерес. Во целост остануваме посветени на спроведување на европскиот интегративен процес преку доследно заокружување и надградување на започнатите реформи за членството во ЕУ, како наш врвен надворешно-политички приоритет“, се вели во реакцијата од МНР во врска со почитувањето на Договорот од Преспа.
Премиерите на Грција и на Бугарија, Киријакос Мицотакис и Димитар Главчев на Самитот на ЕУ во Брисел го отворија прашањето за почитувањето на преземените обврски од страна на Северна Македонија на патот кон ЕУ.