ПРЕРАБОТУВАЧКАТА ИНДУСТРИЈА НА КОЛЕНА ВО ЈАНУАРИ Ретки се секторите што бележат раст на производството
Државниот завод за статистика објави дека на годишно ниво во јануари индустриското производство е намалено за 6,6%, при што во преработувачката индустрија тој пад е од 8%. Рударството, пак, е во пораст од 2,5%, а енергетскиот сектор забележа раст од 2,8%.
Индустриското производство во јануари 2026 година е намалено за 6,6 % во однос на јануари 2025 година, објави Државниот завод за статистика.
Падот на индустриското производство го прави преработувачката индустрија каде што производството е намалено за 8% иако во рударството е во пораст од 2,5%, а во енергетскиот сектор растот е од 2,8 %.
Најголемо влијание врз падот на индустриското производство во јануари 2026 година, во однос на јануари 2025 година, има намалувањето на производството во одделите: производство на електрична опрема за 4,0 %, производството на машини и уреди, неспоменати на друго место за 16,0 % и производство на моторни возила, приколки и полуприколки за 3,1%.
Намалувањето на производството има и во секторите: производство на текстил и на облека, производството на хемикалии и хемиски производи, на основни фармацевтски производи и фармацевтски препарати, потоа на производството на производи од гума и производи од пластични маси, на метали, и на фабрикувани метални производи, освен машини и опрема.
Раст на производството во преработувачката индустрија во јануари е забележан во секторот компјутерски, електронски и оптички производи од 11,9%, дрвната индустрија од 31,2%, производството на тутунски производи од 20,1% и производството на мебел од 0,1%.
Според главните индустриски групи, производството во јануари 2026 година, во однос на јануари 2025 година, бележи опаѓање кај Интермедијарни производи, освен енергија за 4,2%, Капитални производи за 5,2%, Трајни производи за широка потрошувачка за 10,5% и Нетрајни производи за широка потрошувачка за 11,9%, додека пораст бележи кај Енергија за 2,5%.
| I 2026 I 2025 |
I 2026 Ø 2025 |
I 2026 Ø 2021 |
|
|---|---|---|---|
| Вкупно | 93.4 | 80.8 | 79.6 |
| АЕ Енергија | 102.5 | 124.0 | 111.8 |
| АИ Интермедијарни производи, освен енергија | 95.8 | 73.1 | 71.1 |
| ББ Капитални производи | 94.8 | 87.1 | 97.4 |
| ЦД Трајни производи за широка потрошувачка | 89.5 | 85.5 | 94.8 |
| ЦН Нетрајни производи за широка потрошувачка | 88.1 | 72.8 | 69.4 |
| Б Рударство и вадење на камен | 102.5 | 83.9 | 77.2 |
| 05 Вадење на јаглен и лигнит | 118.4 | 84.8 | 61.0 |
| 07 Вадење на руди на метал | 89.3 | 95.9 | 87.7 |
| 08 Вадење на други руди и камен | 129.7 | 68.6 | 67.6 |
| В Преработувачка индустрија | 92.0 | 76.7 | 77.0 |
| 10 Производство на прехранбени производи | 100.3 | 79.3 | 74.9 |
| 11 Производство на пијалаци | 100.0 | 64.3 | 67.9 |
| 12 Производство на тутунски производи | 120.1 | 39.0 | 23.1 |
| 13 Производство на текстил | 81.8 | 75.4 | 78.4 |
| 14 Производство на облека | 80.7 | 77.3 | 57.4 |
| 15 Производство на кожа и слични производи од кожа | 94.6 | 82.0 | 68.2 |
| 16 Преработка на дрво и производи од дрво и плута, освен мебел, производство на предмети од слама и плетарски материјал |
131.2 | 29.1 | 38.2 |
| 17 Производство на хартија и производи од хартија |
99.2 | 84.5 | 71.0 |
| 18 Печатење и продукција на снимени медиуми (записи) |
83.8 | 99.9 | 98.1 |
| 20 Производство на хемикалии и хемиски производи |
94.4 | 64.8 | 63.8 |
| 21 Производство на основни фармацевтски производи и фармацевтски препарати |
81.0 | 68.9 | 94.2 |
| 22 Производство на производи од гума и производи од пластични маси |
87.8 | 70.6 | 111.9 |
| 23 Производство на други неметални минерални производи |
102.6 | 46.7 | 55.3 |
| 24 Производство на метали | 82.3 | 86.9 | 50.3 |
| 25 Производство на фабрикувани метални производи, освен машини и опрема |
81.2 | 64.5 | 31.2 |
| 26 Производство на компјутерски, електронски и оптички производи |
111.9 | 125.7 | 80.5 |
| 27 Производство на електрична опрема | 96.0 | 77.2 | 89.7 |
| 28 Производство на машини и уреди, неспомeнати на друго место |
84.0 | 79.1 | 78.5 |
| 29 Производство на моторни возила, приколки и полуприколки |
96.9 | 89.1 | 110.6 |
| 30 Производство на останата опрема за транспорт |
71.3 | 69.2 | 79.9 |
| 31 Производство на мебел | 100.1 | 88.2 | 103.4 |
| 32 Останата производствена индустрија | 85.1 | 99.8 | 66.3 |
| 33 Поправка и инсталирање на машини и опрема | 101.0 | 100.6 | 187.1 |
| Г Снабдување со електрична енергија, гас, пареа и климатизација |
102.8 | 130.5 | 122.9 |
| 35 Снабдување со електрична енергија, гас, пареа и климатизација |
102.8 | 130.5 | 122.9 |