🎥 ПРЕКИНАТА РЕВИЈАТА НА ВИКТОРИЈА БЕКАМ ВО ПАРИЗ Активистки за заштита на животните излегоа на пистата
Додека Викторија Бекам ја поздравуваше публиката на крајот од модната ревија, активистка успеа да се пробие на пистата со постер со порака "Viva Vegan Leather".
Активистки за права на животните од организацијата ПЕТА ја прекинаа модната ревија на Викторија Бекам на Париската модна недела . Додека манекенките одеа по пистата, активистите се качија на неа, држејќи транспаренти на кои пишуваше “Viva Vegan Leather”.
Тие носеа маици со порака „Свртете ѝ грб на животинската кожа“ и „Животните не се крпа“. Обезбедувањето набрзо ги изведе надвор од салата во која се одржуваше ревијата. Но, додека Викторија Бекам ја поздравуваше публиката на крајот од модната ревија, друга активистка успеа да се пробие на пистата со истиот постер.
We joined the @victoriabeckham show at #ParisFashionWeek to remind everyone that sensitive cows and other animals are barbarically killed for their skin. With so many animal-free leather alternatives, why are designers like @victoriabeckham continuing to include animal skin in… pic.twitter.com/367y1Ju98H
— PETA (@peta) March 1, 2024
Викторија Бекам на ревијата пристигна со патерици поради претходна повреда во теретана, а во Париз ја покажа својата најнова колекција есен/зима. Поранешната пејачка од популарната група Спајс грлс дебитираше на модната недела во Париз во 2022 година. Ревијата се одржа во хотелот Salomon de Rothschild недалеку од Шанзелизе. Викторија од првиот ред ја бодреа нејзиниот сопруг Дејвид Бекам и децата Ромео, Бруклин и Харпер.
Модната недела во Париз трае до 5 март, а најпознатите светски модни брендови како Шанел, Диор, Хермес и Луј Витон ги претставуваат своите модни колекции.