ПРЕКИНАТА РЕКОРДНАТА ПОБЕДНИЧКА СЕРИЈА НА РЕД БУЛ ВО ФОРМУЛА1 Карлос Саинц најбрз на трката во Сингапур

Возачот на Ферари заврши пред Ландо Норис од Мекларен и Луис Хамилтон од Мерцедес.

Од плусинфо Објавено 17/09/2023 17:19:42

Карлос Саинц е победник на трката за Големата награда на Сингапур, со тоа ја прекина рекордната серија на Макс Ферстапен кој имаше десет победи по ред, а воедно прекината е и рекордната победничка серија на Ред Бул од 15 победи по ред што траеше од трката за ГН на Абу Даби во ноември 2022 година

Возачот на Ферари тргна од пол-позицијата, извозе одлична трка, ги одби налетите на конкурентите и на крајот прв ја мина целта. Ландо Норис заврши на втората позиција, а Луис Хамилтон беше трет. Ферстапен заврши на петтото место, што е солидно ако се знае дека стартуваше како 11.

Пред Ферстапен беше вториот возач на Ферари, Шарл Леклер. Бодови во Сингапур освоија уште и Пјер Гасли, Оскар Пиастри, Серхио Перез, Лиам Лоусон и Кевин Мегнусен.

Можеби ќе ве интересира