ПРЕГАЗЕНА Е 59-ГОДИШНА ЖЕНА ВО КИСЕЛА ВОДА Повредената е пренесена во болница

Вчера во 14:30 часот во СВР Скопје е пријавено дека на булевар Борис Трајковски, пред крстосница со ул. Христо Татарчев во Скопје, патничко возило „даеву” со скопски регистарски ознаки, управувано од М.К.(35) од Скопје, удрило во пешакот З.Т.(59) од Скопје, информираше Министерството за внатрешни работи (МВР).

Во несреќата со тешки телесни повреди се здобила З.Т., констатирани во Комплекс клиники „Мајка Тереза”. Извршен е увид од увидна екипа од СВР Скопје.