ПРЕДОЦНА Е ЗА „ПАТРИОТОТ“ ВО УКРАИНА Руските мајтапџии Вован и Лексус зедоа мислење од поранешниот шеф на Пентагон
Украинскиот народ ја врши валканата работа на она што ние никогаш не сакавме да го правиме овде во Соединетите Држави, затоа треба да продолжиме да ве поддржуваме со сè што можеме, без разлика дали се работи за муниција или оружје или разузнавање, изјавил поранешниот шеф на Пентагон.
„Веќе е доцна“ за одлуката на САД да ѝ го испорачаат ракетниот систем „Патриот“ на Украина, им рекол поранешниот американски секретар за одбрана Марк Еспер на руските шегобијци Владимир Кузњецов (Вован) и Алексеј Столјаров (Лексус), јавува руската агенција Тасс.
Шегаџиите, инаку професионални комичари, му се јавиле на Еспер во име на поранешниот украински претседател Петр Порошенко. Тие побарале мислење за војната во Украина. Поранешниот секретар и воедно шеф на Пентагон, оценил дека американскиот претседател Џо Бајден бил премногу бавен во испораката на одредени видови оружје за Украина.
Vovan and Lexus made another sucker…
Former US Secretary of Defense Mark Esper, in a conversation with the imaginary Petro Poroshenko, said a lot of superfluous…
“The Ukrainian people in the conflict with Russia are doing dirty work that the US itself would not want to do” pic.twitter.com/RPZDA152ap
— ‘Sprinter’ (@SprinterBV0000) February 13, 2023
Според Еспер, украинскиот народ во конфликтот со Русија „врши валкана работа“ што САД не би сакале да ја прават.
– Украинскиот народ ја врши валканата работа на она што ние никогаш не сакавме да го правиме овде во Соединетите Држави, затоа треба да продолжиме да ве поддржуваме (Украина) со сè што можеме, без разлика дали се работи за муниција или оружје или разузнавање – изјавил Еспер.
Американските власти во декември објавија дека ѝ даваат на Украина нов пакет воена помош од 1,85 милијарди долари, кој за прв пат ќе вклучи систем„ Патриот“. Одлуката беше обзнаена откако украинскиот претседател го посети Вашингтон.
Во разговорот, американскиот секретар за одбрана рекол и дека проширувањето на руското влијание во други земји, вклучувајќи ја и Африка, „е проблем“ за САД.
Познатите руски комичари Вован и Лексус се познати по своите мајтапи со разни светски политичари. Во 2019 година тие му се јавија на поранешниот македонски премиер Зоран Заев претставувајќи се како Петар Порошенко и Јенс Столтенберг. Лани во ноември пак на линија го добија полскиот претседател Анджеј Дуда, а притоа претставија дека од другата страна е Емануел Макрон.