ПРЕД НАС Е МНОГУ ТОПОЛ ВИКЕНД Температурите ќе бидат речиси 40 степени, можна е појава на локален пороен дожд

Под влијание на топла воздушна маса, во следните денови времето ќе биде многу топло. Дневната температура во најголем дел од земјава ќе надминува 35 степени и ќе достигне до 40 степени, соопшти УХМР.

„Сончево и топло со мала до умерена локална облачност и со слаб до умерен ветер од северен правец. Во Скопје сончево со мала облачност и со слаб до умерен ветер од северен правец“, се вели во соопштението на УХМР.

Според податоците на УХРМ минимална температура ќе се движи од 12 до 22 степени, а максимална температура од 27 до 38 степени.

Изолирана појава на пороен дожд и грмежи ќе има утре претежно во западните делови во попладневните часови и во сабота од средината на денот. Во недела и понеделник особено долж Повардарието ќе засилува северен ветер, велат од УХРМ.